POVO NIA LIAN

Declarasaun nebe Ministro Fidelis Magalheas  Fo sai iha fulan janero konaba prevensaun covid-19, iha declarasaun ne  FM dehan relasiona ho pandemia no  Estado Emergensia (EE) la obriga sidadaun atu trata nia documentos,  hanesan Carta Condusaun no halo RenovaSaun ba surat motor/kareta nebe nia validade remata ona.  Fidelis Mos argumenta katak la iha multa ba documentos sira nebe nia validade remata bainhira la ba halo renovasaun tuir data nebe termina ona. Maibe na realidade sidadaun sira ba Trata Documentos iha Diresaun Transporte e Terestre, tenki selu multa ba estado Motorista sira lamenta tebes ba Ministro Fidelis nebe la iha responsabilidade ba nia declarasaun sira nebe nia fo sai ba publico konsidera hanesan halo deit promesa falsu hodi bosok povo.

  Partido Democratico (PD)  nebe lidera husi Mariano Sabino ho Antonio Kalohan, la iha prinsipio politica, tamba uza politica Ain Rua, ba oin no ba kotuk diak hotu, ho moto politica nebe PD iha sei fo derrota ba sira iha eleisaun mai, tamba militantes sira iha baze komesa lakon confiansa ba lider politico sira iha PD. Maibe iha loron hirak liu PD declara sei hetan kadeira barak liu iha eleisaun, tamba militante barak tama ona ba PD.

Secretario Geral Mari Alkatiri, ikus-ikus ne lahatudu oin iha media tamba mosu conflitu internal entre iha partido laran, isu nebe agora dadauk viral iha media dehan, Mari Alkatiri nia cargu iha ameasa nia laran,  informasaun nebe sai husi partido hatudu momos kuadrus antigu fretilin, iha ona plano atu hatun MA Iha eleisaun Partido  Fretilin nian nebe atu mai. Canidatu nebe atu compete ho Mari mak quadrus politico Rui Araujo.

Bainhira rona CNRT publica documento Mari Alkatiri simu suborno husi conocophilips, ho publicasaun CPN CNRT  nian ne Mari Alkatiri lamenta no rejeita informasaun ne. Lakleur deit secrtario Geral Partido Fretilin hatama keixa ba Ministerio Publico hodi Prosesa CPN P.CNRT. Depois Mari Alkatiri hatama keisa agora la hatudu an iha publico tamba la mosu iha media nasional sira.

Iha selebrasaun aniversariu Khunto conselheiro Khunto Naimori Bucar declara rajaun halo juramento, ho objectivo atu hari unidade nasional. Naimori mos hatutan ho Juramento ne mak ohin loron iha unidade nasional, tamba Khunto mak sai mata dalan ba paz ho dezenvolvimento iha nasaun ne.

Akuzasaun Partido CNRT ba Secretario geral P.Fretilin Mari Alkatiri simu suborno husi conocophilips, ho akuzasaun ne M.A promete sei lori ba tribunal maibe to agora M.A lian lakon los iha media nasional sira. Sociedade sira mos eziji M.A atu responde ba akuzasaun ne, se la responde ho akuzasaun ne povo bele dehan M.A simu duni suborno.

Secretario Geral Partido Fretilin Mari Alkatiri ikus-ikus ne aktivo fali ona iha media sosial Facebook bainhira hare Xanana halo asaun karidade ba povo iha fatin-fatin. Ho soe lia M.A nian ba Xanana loron hira liu ba kotuk iha Facebook, hetan kritika makas husi mayoria povo nebe sempre apoio Xanana ho asaun karidade nebe Xanana halo ba nia povo.

Depois OJE la passa iha PN, halo PLP ukun ho roda tolu, tamba CNRT la apoio ona governasaun nebe lidera husi TMR, CNRT considera governo incapasidade ezecuta OJE 2019 no questiona independente PR hola desizaun nebe la zusto no la democratico. Ho situasaun politica iha AMP, Fretilin aproveita situasaun hodi sikat leet iha governo dalan ikus mak sai Aitonka ou bele dehan viabiliza deit oito governo, conforme M.A nia declarasaun. PLP rasik tenki simu konsikuensia maske lidera governo maibe hetan MG ituan liu e Fretilin ho Khunto MG barak liu tia. Ho dinamica politica nebe akontese Fretilim buka deit oportunidade benefisia partido hodi prepara an ba eleisaun geral 2023.

Liu husi CPN Partido CNRT publica documentos konaba Secretario Geral partido Fretilin simu suborno husi Conocophilips, ho publicasaun ne Mari Alkatiri promete sei lori CPN CNRT ba Tribunal, responde ba asaun husu M.A partido CNRT declara pronto hein iha Tribunal.

bainhira lobi politica nebe Francisco Vasconselho halo ho Partido Politico sira hanesan Fretilin ho Khunto hodi apoio oito governo to 2023. Maibe bainhira rona Partido Fretilin domina iha Membro Governo F.V la mosu iha media, sedauk hatene lolos motivo saida mak ikus-ikus ne publico la rona nia lian konaba situasaun politica iha Parlamento Nasional no mos governo 

Di usia 32 tahun sudah Jadi Mentri di  kementrian kesehatan  bisa dikatakan politisi perempuan termuda di  Timor Leste. Pada tanngal 3 april 2020 telah di pecat oleh institusi tertinggi negara yaitu Perdana Mentri dan Presiden Timor Leste dengan alasan yang tidak jelas. Sebelumnya Mentri kesehatan telah melakukan konferensi pers untuk memberikan informasi  berkaitan dengan Covid-19 di Timor Leste namun tidak sampai 24 jam Mentri perempuan itu  dicopot dari jabatannya sebagai mentri. Pemecatan di ajukan oleh Perdana Mentri  dan diputuskan oleh presiden, pada hari jumat. Berbagai analis politk di Timor Leste mengatakan bahwa pemecatan ini bermotif politik.

Governo nebe lidera husi TMR no hetan apoio husi Partido Fretilin Lori proposta alterasaun Lei Gestaun Finanseira ba parlamento nasional, bainhira tama ba votasaun hetan vota contra husi koligasaun. Fretilin ho PLP sedauk marka pasu maibe koligasaun halo ona isolamento iha PN, koligasaun konsidera Alterasaun lei ne intensaun politica atu mantein ukun iha governo.

PM Taur Matan Ruak Apresenta ona carta demissao ba PR, hein deit pronunsia husi husi PR Demite ou mantein nafatin TMR iha PM Maibe  ih Sorin seluk halo mos plataforma politica foun, se hanesan ne tempo neba lalika haruka carta demissao ba PR. Ne laos estrategia politica maibe hamonu rasik ita integridade politica hanesan eis presidente da republica.

Dala ida tan Fretilin halo  PR dilema hodi foti desizaun. PR tenki declara lai demissao PM TMR PR atu demite ou mantein nafatin PM. PR tenki halo declarasaun konaba  koligasaun foun nebe Lidera husi Xanana tamba orientasaun nebe PR fo sira halo ona, orientasaun ne sira fo fila fali ba PR hodi foti desizaun ruma. Tempo badak plataforma politica foun husi Fretilin No PLP  sei apresenta ba PR. Ne sai sasukat ida ba independente Presidente da Republica nian, hodi fo confiasa ba publico Presidente ba povo tomak ou lae, PR nia desizaun maka sei hatur nia an.

Ohin loron sira atu impede Xanana ba ukun, maibe sira haluha saida maka Xanana halo ba sira, maibe politica iha Timor  atu koko fali forsa politica ba malu, maibe ema hotu hatene se maka Xanana,  Xanana hasoru ona laloran tasi nebe boot iha tempo defisil, ema hotu hatene Xanana sei susesu ba estrategia politica nebe nia halo, laos loron ohin maibe aban rua rezultado sei iha. 

MA declara agora la iha dalan ba eleisaun antisipada, lakoi Virus Corona daet ba malu bainhira iha tempo campanha, tamba Covid-19 ita atu halo campanha mos ladiak, MA husu ema hotu atu apoio governo hodi prevene virus tama mai Timor. MA mos hatutan agora la tempo hadau malu kadeira, nia husu ba lider sira tenki declara sira nia sala, maka fretilin sei apoio.

Relasiona ho covid-19 governo hasai resolusaun husu ba PR atu decreta estado emergensia, maibe PR hatete sei estuda lai resolusaun nebe governo hasai, PR sei hare didiak preparasaun governo nian, hahan iha rai laran sufisiente ka lae hodi  responde ba necessidade povo nian.

Ikus-ikus ne governo husu PR atu decreta estado emergensia hodi responde ba Virus Covid-19, bele decreta estado emergensia maibe labele izolaan ba mundo, tamba sei afeita ekonomia povo nian, liu-liu hahan iha rai laran sei  la sufisiente hodi responde ba nescesidade povo nian, se bainhira la importa sembako husi nasaun liur. Keta ansi  foti desizaun hodi haterus fali povo tomak.

Media parte ida husi edukasaun politica hodi hasai maturidade politica sidadaun nian, ema nebe sempre sai iha media mak lider politico sira, tamba sira sempre hato,o sira nia pensamento politico ho ida-ida nia interese politica. Hodi hamosu intepretasaun no analiza oin-oin husi netizen sira nebe mai husi begraun edukasaun nebe lahanesan ho referensia nebe sira iha. Objectivo ida husi media maka atu cria opini publico, consumu opini sira ne maka sidadaun nebe sempre acompanha notisia tamba preucupa situasaun nebe nasaun infrenta. Notisia ohin loron laos mai husi Radio ou TV no jornal deit maibe tamba ho influensia husi mundo globalizasaun, mosu media online oin-oin hanesan Facebook, IG, WA, Google, Twiter no seluk-seluk tan, agora ema hotu asesu ba media sira ne  hodi acompanha informasaun no mos halo komunikasaun ba malu. Politico sira labele alergi ho media, media hanesan instrumento democrasia, maibe uza media tenki ho responsabilidade, media ohin loron halo ...

Saida mak ne??  Haruka partido sira buka malu para forma koligasaun foun, depois partido 6 konsege forma koligasaun hodi apresenta ba PR. Maibe iha sorumotu ne la iha solusaun ida, tamba PR declara coligasaun tenki completa rekezitus balu, liu husi conferensia partido ida-ida nian. Hafoin partido sira halo conferensia hodi deside no reafirma sira nia pozisaun iha koligasaun foun  no iha komitmento forma 9  governo. ikus liu koligasaun aprezenta hikas fali ba PR, maibe PR declara fali sei estuda fali tan. Halo ita bingung tan deit partido sira ne simu orientasaun husi se,  depois ema nebe fo orientasaun estuda fali nia orientasaun nebe nia rasik fo.